Хурлын өрөөг шинэ түвшинд хүргэх шилдэг технологи ба шийдлүүд

2020 он бол биднээс уян хатан, дижитал харилцааны шинэ хэлбэрийг шаардсан, томоохон өөрчлөлтүүд өрнүүлсэн жил байлаа. Үүний үр дүнд Zoom, Google Meet, Microsoft Teams зэрэг видео хурлын платформууд зайлшгүй хэрэглээ болж, хурлын өрөөг шинэчлэх хэрэгцээ урьд өмнөхөөс илүү чухал болсон байна.

2021 оны оффисын орон зай

PwC-ийн 2021 оны судалгаагаар:

• Ажил олгогчдын 83% нь зайнаас ажиллах туршлагыг амжилттай гэж үнэлсэн.
• Нөгөө талаас ажилчдын 87% нь биечлэн уулзалт, багаар ажиллах орчин шаардлагатай хэвээр гэж үзжээ.

Тиймээс олон байгууллагууд уян хатан, холимог орчинд тохирсон, ухаалаг хурлын технологиудыг чухалчлах болжээ.

Хурлын өрөөг шинэчлэх 5 шилдэг технологи

1. Утасгүй танилцуулгын систем

Утасгүй хурлын өрөө гэдэг нь оролцогчид кабель ашиглахгүйгээр проектор эсвэл дэлгэцтэй холбогдон гар утас, таблет, зөөврийн компьютероос шууд танилцуулга хийх боломж юм.

Утасгүй танилцуулга нь дараах давуу талтай:

•  Кабель болон эмх замбараагүй олон утсыг арилгана
• IT дэмжлэг шаардахгүй хялбар ажиллагаа
• Хүн бүр өөрийн төхөөрөмжөөс танилцуулга хийх боломжтой
• Шуурхай эхлэх танилцуулга
• Илүү нээлттэй, хамтын ажиллагаанд чиглэсэн уур амьсгал бүрдүүлнэ

2. Ухаалаг дэлгэц буюу Interactive Flat Panel

Ухаалаг дэлгэц нь компьютерт холбогдсон том хэмжээтэй мэдрэгчтэй дэлгэц бөгөөд проектор, микрофон, дууны систем, хамтын ажиллагаа зэрэг олон боломжийг нэг дор багтаасан төхөөрөмж юм.

Ухаалаг дэлгэц нь дараах үр өгөөжийг өгнө:

• Бичиг, дүрс, хэлбэр зэргийг шууд зурж, хамтран ажиллах боломж
• Хурал, сургалт, танилцуулгыг илүү үр дүнтэй болгох боломж
• Уян хатан орчинд оролцогчдын идэвхийг нэмэгдүүлэх
• Гэрээс ажиллаж буй ажилчидтай харилцан ойлголцлыг нэмэгдүүлэх

3. LED видео хана (LED Video Wall)

LED видео хана нь хурлын өрөөг шинэлэг, орчин үеийн болгодог өндөр нягтралтай, тод гэрэлтүүлэгтэй, том хэмжээтэй дэлгэцийн систем юм. Touch мэдрэх үйлдлийн хувьд ухаалаг самбараас доогуур боловч дараах давуу талуудтай:

• Хязгааргүй нарийвчлал болон гэрэлтүүлэг (brightness)
• Хялбар суурилуулалт, сургалт шаардахгүй амар ашиглалт
• Plug-and-play

4. Бүхнийг нэг дор багтаасан видео ба аудио төхөөрөмж

Энгийн вэбкамераас ялгаатай нь нэмэлтээр мэргэжлийн микрофон болон хүчтэй чанга яригчийг хослуулсан төхөөрөмж бөгөөд:

• Wide-angle lenses нь хурлын өрөөг бүтэн харуулна
• Бүх төрлийн хурлыг ганц төхөөрөмжөөр хялбар зохион байгуулна
• Суурилуулалт, бэлтгэлд зарцуулах хугацааг багасгаж, бүтээмжийг нэмэгдүүлнэ

5. Хурлын өрөөний менежментийн программ хангамж

Хурлын өрөөний удирдлагын систем нь хурлын өрөөг бүртгэх, захиалах, өөрчлөх, мэдээлэх үйл явцыг автоматжуулдаг бөгөөд:

• Гар утаснаасаа чөлөөтэй өрөө захиалах
• Давхцаж захиалга үүсэхээс сэргийлсэн нээлттэй хайлт
• Төлөвлөгөө өөрчлөгдөж, хурал цуцлагдсан үед автоматаар хуралд оролцогчдод мэдэгдэх үйлчилгээ санал болгодог.

Дүгнэлт

Сүүлийн жилүүдэд маш олон зүйл өөрчлөгдсөн ч хүмүүс хоорондын уулзах, харилцах хэрэгцээ хэвээр үлдсэн. Харин өөрчлөгдсөн зүйл нь “хэрхэн уулзах вэ?” гэдэг асуулт юм. Биечлэн уулзах уу, онлайнаар холбогдох уу, эсвэл хосолсон хэлбэрээр үү?

Өнөөдөр бидэнд нээлтэй байгаа маш олон төрлийн технологиос бид уулзалтын явцыг хамгийн үр ашигтай болгох, сайн нөлөө бүхий зөв төхөөрөмжийг сонгох нь чухал болсон. Цаг үеэ мэдэрсэн, ухаалаг сонголт хийх нь зөвхөн харилцааг хөнгөвчлөхөөс гадна хамтын ажиллагааг илүү бүтээмжтэй, амжилттай болгох түлхүүр юм.

Эх сурвалж: https://www.maxhub.com/en/newsroom/47.html